Монгол Японы хооронд дипломат харилцаа тогтоосны 50 жилийн ойг тохиолдуулан зохион явуулах мини-эссэ бичлэгийн уралдаан: “Монгол, Япон, Би, 50 дурсамж”

2021/11/30
【Японы тухай өөрийн дурсамжаасаа хуваалцана уу】
 
Монгол Японы хооронд дипломат харилцаа тогтоосны 50 жилийн ойг тохиолдуулан зохион явуулах мини-эссэ бичлэгийн уралдаан: “Монгол, Япон, Би, 50 дурсамж”
 
Ирэх онд Монгол Улс, Япон Улсын хооронд дипломат харилцаа тогтоосны 50 жилийн ойг тэмдэглэнэ. Одоогоор хоёр улсын хооронд чөлөөтэй зорчих боломжгүй хүнд нөхцөл байдал үргэлжилсээр байгаа ч өнөө үед интернетээр санал бодлоо хуваалцах боломж нээлттэй билээ. Ирэх онд тохиох энэхүү онцгой үйл явдлыг бүгдээрээ хөгжилтэйгээр тэмдэглэн өнгөрүүлэх зорилгоор хаанас ч оролцож болох цахим эвентийг бид зохион байгуулах гэж байна.
 
Япончуудтай харилцах, Япон орноор аялах үед төрсөн Японтой холбоо бүхий сэтгэл хөдөлгөм дурсамжуудыг бид энэхүү цахим эвентэд оролцуулах тул та өөрийн сайхан дурсамжаасаа бидэнтэй хуваалцана уу. Та бүхний ирүүлсэн мини-эссэгүүдээс бид шилдэг 50-ийг Facebook болон Twitter хуудсаар дамжуулан нийтэд танилцуулахаар төлөвлөөд байна. Нэг пост бүрт нэг мини-эссэ тавигдах тул уншигч таны сэтгэлд хүрсэн бол "лайк" дараарай. Хамгийн олон лайк авсан мини-эссений эзэнд тус Элчин Сайдын Яамнаас бяцхан шагнал гардуулах болно.
 
Та бүхэн идэвхтэй оролцоно уу.
Оролцогчид доорх нөхцөлийг анхааралтай уншина уу.
 
◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇
〇Хэн оролцох: Монгол Улс эсвэл Япон Улсын иргэн
〇Хугацаа: ~2022 оны 11 дүгээр сарын сүүлийн өдөр хүртэл
〇Агуулга: Японтой холбоотой сэтгэл хөдөлгөм дурсамж
〇Хэмжээ: 50-300 үг (монгол хэл) / 100~500 үсэг (япон хэл)
 
Доорхийн дагуу холбогдох мэдээллийг “Эссэ илгээх маягт”-д бөглөх, эсвэл е-мэйлээр бичиж Японы ЭСЯ-ны Соёл, мэдээллийн хэлтэс (public.diplomacy-section@ul.mofa.go.jp)-т илгээнэ үү.
〇Таны хувийн мэдээлэл: овог, нэр (зохиогчийн нууц нэр байж болно), иргэний харьяалал, нас, хүйс, эрхэлсэн ажил
(Тус эссэний уралдаанд оролцож буй хүмүүсийг улсын харьяалал, нэрийг фэйсбүүк, твиттерт эссэтэй хамт нийтлэх тул та бүхнийг ойлгохыг хүсье. /2021.12.31/)
〇Мини-эссэ
◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇
 
※Хувийн мэдээллийг ашиглах зорилго
Ирүүлсэн хувийн мэдээллийг доор дурдсанаас өөр зорилгоор ашиглахгүй:
・Эссэ бичсэн хүнээс тодруулга авах, мэдээлэл хүргэх  
・Ялагчид шагнал илгээх
Бид эвентийн явцад ирүүлсэн хувийн мэдээллийг гуравдагч этгээдэд дамжуулахгүй хадгалах бөгөөд эвент дууссаны дараа зохих ёсоор бүрэн устгах болно.