ЯПОН УЛСЫН ЭЛЧИН САЙДЫН ЯАМ

日本国国旗

在モンゴル日本国大使館

Виз

April 16, 2018

Япон улсын “Виз” болон “Оршин суух зөвшөөрөл”-ийн тухай
/ЗААВАЛ УНШИНА УУ/

 


1. Япон улсын дипломат төлөөлөгчийн газрууд буюу Элчин сайдын яам, Ерөнхий консулын газраас олгодог “Виз” болон Япон улсын Хууль зүйн яамнаас олгодог “Оршин суух зөвшөөрөл /ОСЗ/” нь хоёр тусдаа ойлголт юм. Япон улсад зорчих Монгол улсын иргэн нь явах зорилгод нийцсэн “Виз”-ийг тус ЭСЯ-аас урьдчилан авсны үндсэн дээр Японд зорчих шаардлагатай бөгөөд Японы нисэх онгоцны буудал дахь хилийн шалган нэвтрүүлэх цэг дээр Хууль зүйн яамны ажилтан болох хилийн байцаагчаар шалгуулан, мөн Японд байх зорилгод нийцэх “ОСЗ”-ийг авах болно. Тухайлбал, аялал жуулчлалын зорилго зэрэг “Богино хугацаа” гэсэн ангиллын “Виз”-ийг аваад хилийн шалгалтанд орох зорчигч нь “ОСЗ”-ийн хувьд мөн “Богино хугацаа” гэсэн ангиллаар авдаг.


2. Японд байх хугацаа нь “Богино хугацаа” ангиллын визтэй адил 90 хоног хүртэлх хугацаатай ч гэсэн, хэрэв байх зорилго нь ажил хөдөлмөр эрхлэх, сургуульд суралцах, Япон улсын иргэний гэр бүлийн хувьд амьдрах зэрэг байх тохиолдолд, хил дээр олгогдох ОСЗ-ийн ангилал нь “Богино хугацаа”-наас өөр болох тул, авсан байх визийн ангилал мөн “Богино хугацаа” биш, харин олгогдох ОСЗ-ын ангилалтай нийцсэн байх шаардлагатай. /ОСЗ-ийн ангиллын тухай мэдээллийг эндээс харна уу./


3. “Богино хугацаа”-наас өөр ангиллын ОСЗ-тэй нийцэх ангиллын визийг тус ЭСЯ-наас авах тохиолдолд, Япон улсын Хууль зүйн яамны Хилийн шалган нэвтрүүлэх алба /法務省入国管理局/-наас “ОСЗ-ийн гэрчилгээ /在留資格認定証明書/”-ийг урьдчилан аваад, виз мэдүүлэхдээ үзүүлэх шаардлагатай /зарим ангилалд ОСЗ-ийн гэрчилгээгүйгээр шууд виз олгох тохиолдол ч бий/. Хилийн шалган нэвтрүүлэх албанаас ОСЗ-ийг гаргуулахад 2-3 сараас доошгүй хугацаа шаардагддаг тул, хөдөлмөр эрхлэх зорилготой бол ажиллах аж ахуйн нэгж, суралцах зорилготой бол сургууль зэрэг Японы талын хүлээн авагч байгууллагатай урьдчилан зөвлөнө үү.


4. Тус ЭСЯ-наас олгох виз нь Япон улсын хилээр нэвтрэн орох эрхийн баталгаа болохгүй ба зарим тохиолдолд Хууль зүйн яамнаас хилээр нэвтрүүлэхийг татгалзах тохиолдол байж болзошгүйг сайтар анхаарна уу. Мөн  нөгөө талаас тус ЭСЯ-нд Хууль зүйн яамны ОСЗ-тэй хүн виз мэдүүлэхэд  татгалзах тохиолдол байгаа болно.

 

 

Виз мэдүүлэх, олгох, хураамж

Виз болон консулын үйлчилгээний хураамж /2018 он/

ВИЗ МЭДҮҮЛЭГЧДИЙН АНХААРАЛД

 

 

　  Энгийн виз /нэг удаагийн/

65，000 tug

　  Энгийн виз /олон удаагийн/

130，000 tug

　　Дамжин өнгөрөх виз

15，000 tug

　　Япон улсын хилээр дахин нэвтрэх
     зөвшөөрлийн хүчинтэй хугацааг сунгах

65，000 tug
 

Монгол улсын иргэн дараах журмын дагуу виз мэдүүлнэ.

 
  • Мэдүүлэх

-- Бүрдүүлэх бичиг баримт нь Япон улсад зорчих зорилгоосоо хамааран харилцан адилгүй тул дараах нөхцлүүдтэй сайтар танилцсаны үндсэн дээр бүрдүүлнэ үү. Бичиг баримт дутуу, хангалтгүй тохиолдолд хүлээн авах боломжгүй болохыг анхаарна уу.
-- Бүрдүүлсэн бичиг баримтын агуулга нь ямар нэгэн асуудалтай байх тохиолдолд, шалгах хугацаанд хариу шийдэгдэхгүй хойшилж болно. Мөн тухайн нөхцөл байдлаас шалтгаалан, бичиг баримтыг Гадаад хэргийн яам /Токио/ рүү явуулан шалгуулах тохиолдол ч байж болзошгүй тул зорчих өдөр, виз олгогдох хугацаа зэргийг сайтар тооцоолсны үндсэн дээр мэдүүлнэ үү.
-- Мэдүүлгийг дараах цагийн хуваарийн дагуу хүлээн авна. Эмнэлгийн яаралтай тусламж авах, амь насанд нь ноцтой аюул учирсан зэрэг хүндэтгэх шалтгааны улмаас яаралтай мэдүүлэх тохиолдолд, хуваарь харгалзахгүй хүлээн авах тул урьдчилан тус ЭСЯ-ны Консулын албатай холбогдоно уу.

　

Визийн мэдүүлэг хүлээн авах хуваарь:
Даваа – Баасан гарагуудад өдөр бүр 9:30-12:00 хүртэл
/Тус ЭСЯ-ны амралтын өдөр хамаарахгүй /

 

  • Олгох

-- Мэдүүлгийг хүлээн авсан өдрийн дараагийн өдрөөс эхлэн ажлын 3 хоногт шалгаж шийдвэрлэнэ. Өөрөөр хэлбэл, даваа гаригт мэдүүлсэн тохиолдолд, тухайн долоо хоногийн пүрэв гаригт паспортыг буцаан олгоно.
-- Виз олгохоос татгалзсан шалтгааны талаар тайлбар хийхгүй болно.
-- Паспортыг дараах хуваарийн дагуу буцаан олгоно. Эмнэлгийн яаралтай тусламж авах, амь насанд нь аюул учраад байгаа зэрэг хүндэтгэх шалтгааны улмаас яаралтай виз авах хэрэгтэй тохиолдолд, хуваарь харгалзахгүй олгох тул урьдчилан тус ЭСЯ-ны Консулын албатай холбогдоно уу.


 

Паспорт буцаан олгох хуваарь:
Даваа – Баасан гарагуудад өдөр бүр 14:30-16:30 хүртэл

 

Виз мэдүүлэхэд бүрдүүлэх бичиг баримт

Бүрдүүлэх бичиг баримт нь визийн ангиллаас хамааран харилцан адилгүй байх тул дор дурдсан холбогдох хуудас руу орж танилцана уу.

  • “Богино хугацаа” ангиллын виз
    • -- Аяллын зорилгоор зорчих
    -- Эмнэлгийн үзлэг, эмчилгээнд хамрагдах зорилгоор зорчих
    -- Бизнесийн зорилгоор зорчих
    -- Хуучин автомашин, бараа бүтээгдэхүүн импортлох зорилгоор зорчих
    -- Бизнесийн зорилгоор олон удаа зорчих
    -- Нийгэм, соёл, шинжлэх ухааны зүтгэлтэн, эрдэмтэд, урлагийн алдартнууд олон удаа зорчих
    -- Ах дүү, найз нөхөд, төрөл садныдаа зочлох зорилгоор зорчих
    -- Арга хэмжээнд оролцох зорилгоор зорчих /спортын уралдаан тэмцээн, үзэсгэлэн яармаг гэх мэт/
    -- Богино хугацааны олон удаагийн виз
  • “Дамжин өнгөрөх” ангиллын виз
  • Хөдөлмөр эрхлэх, урт хугацаагаар оршин суух зорилгоор зорчиход авах виз
    • -- ОСЗ-ийг авсны үндсэн дээр мэдүүлэх виз
    -- Тусгай ангиллын виз /Япон улсын иргэний гэр бүл зэрэг/

  • ХЗЯ-ны ХШНА-наас олгох “Дахин нэвтрэх зөвшөөрөл /再入国許可/-ийн хугацааг тус ЭСЯ-нд сунгуулах
  • Дипломат визтэй холбоотой мэдээлэл

    • Лавлах

    Тус ЭСЯ-ны Консулын алба
    Утас: +976-11-320777
    Даваа-Баасан гаригуудад 9:00-17: 45  /13:00-14:00 Завсарлага/
    Амралтын өдрүүдийг эндээс харна уу.
     

    ГХЯ-ны Консулын газрын Визийн хэлтэс
    Утас: +81-3-3580-3311
    Даваа-Баасан гаригуудад 10:00-12:00, 14:00-16:00


    ГХЯ-ны Визийн мэдээллийн төв
    Утас: +81-3-5501-8431

    Back to Top