SSW "I зэрэг" статусын гол онцлогийн нэг бол Япон талаас үзүүлдэг олон талт дэмжлэгийн тогтолцоо юм. Японд SSW "I зэрэг" статусаар ирсэн хүнд ажил олгогчийн зүгээс дараах дэмжлэгийг үзүүлдэг тул та бүхэн санаа зовохгүйгээр ажиллаж амьдрах боломжтой. Үүнд:
1. Япон улсад ирэхээс өмнө, ажиллаж, амьдрах талаарх тайлбарыг эх хэл дээрээ авна.
2. Япон улсад ирэх үед нисэх онгоцны буудлаас угтан авч, эх орондоо буцах үед үдэн гаргана.
3. Амьдрах байр түрээслэх, банкны данс нээлгэх, гар утас болон тог цахилгаан, газ, усны үйлчилгээ авахад дэмжлэг үзүүлнэ.
4. Ажиллаж амьдрахад шаардлагатай Японы нийгмийн дэг журам, ёс зүй, тээврийн хэрэгслийг хэрхэн ашиглах, газар хөдлөлт зэрэг байгалийн гамшиг тохиолдсон үед яах ёстой талаарх тайлбарыг өгнө.
5. Оршин суух хотын захиргаандаа хаягийн бүртгэл хийлгэх, татвар болон бусад бичиг баримт бүрдүүлэлт хийхэд дэмжлэг үзүүлнэ.
6. Япон хэлийг гүнзгийрүүлэн суралцахад дэмжлэг үзүүлнэ.
7. Аливаа асуудал тулгарсан үед эх хэл эсвэл англи хэл дээр зөвлөгөө авах боломжтой.
8. Японы нийгмийн амьдралд түргэн дасан зохицоход дөхөмтэй байх үүднээс Япон иргэдтэй харилцах боломжийг олгоно.
9. Ажил олгогчоос шалтгаалан ажлаас гарах болсон тохиолдолд дараагийн ажлын байрыг олоход дэмжлэг үзүүлнэ.
10. SSW-ыг дэмжих асуудал хариуцсан ажилтантай бүхий л талаар ярилцах уулзалтуудыг тогтмол зохион байгуулна.

Ажил олгогч /хүлээн авагч
байгууллага/-ийн тухай

1. Гадаадын иргэнийг ажилтнаар хүлээн авахад тавигдах шаардлага

1. ①Гадаадын иргэнтэй байгуулах хөдөлмөрийн гэрээний агуулга зохистой байх
2. ②Тухайн ажил олгогч ямар нэгэн зөрчилгүй байх /сүүлийн 5 жилийн дотор гадаадын иргэн болон хөдөлмөртэй холбоотой хуулиудыг зөрчөөгүй байх г.м./
3. ③Гадаадын иргэнд дэмжлэг үзүүлэх тогтолцоо бүрдсэн байх /гадаадын иргэнд эх хэлээр нь дэмжлэг үзүүлэх боломжтой байх г.м./
4. ④Гадаадын иргэнд дэмжлэг үзүүлэх төлөвлөгөө нь оновчтой байх /амьдралын талаарх тайлбар хийх г.м./

2 Ажил олгогчийн үүрэг хариуцлага

1. ①Гадаадын иргэнтэй байгуулсан хөдөлмөрийн гэрээг биелүүлэх /цалин хөлсийг зөв зохистой олгох г.м./
2. ②Гадаадын иргэнд дэмжлэг үзүүлэх ажлыг зөв зохистой зохион байгуулах
   →Дэмжлэг үзүүлэх ажлаа "бүртгэлтэй дэмжигч байгууллага"-д даатгасан ч болно.
   Бүртгэлтэй дэмжигч байгууллагад бүгдийг даатгах тохиолдолд ③-т заасан шаардлагыг мөн хангасан байх шаардлагатай.
3. ③ХШНОСХГ-т шаардлагатай бичиг баримтыг өгөх

*Хэрэв ажил олгогч ①-с ③-т заасан үүрэг хариуцлгаа биелүүлэхгүй тохиолдолд, цаашид гадаадын иргэн хүлээн авах боломжгүй болохоос гадна, Гадаадын иргэн, харьяатын ерөнхий газрын зүгээс зааварчилгаа болон зөрчил арилгах тушаал өгөх тохиолдол бий.

Бүртгэлтэй дэмжигч
байгууллагын тухай

1. Тавигдах шаардлага

1. ①Тухайн байгууллага зөрчилгүй байх /сүүлийн 5 жилийн дотор гадаадын иргэн болон хөдөлмөртэй холбоотой хуулиудыг зөрчөөгүй байх г.м./
2. ②Гадаадын иргэнд дэмжлэг үзүүлэх тогтолцоо бүрдсэн байх /гадаадын иргэнд эх хэлээр нь дэмжлэг үзүүлэх боломжтой байх г.м./

2. Бүртгэлтэй дэмжигч байгууллагын үүрэг хариуцлага

1. ①Гадаадын иргэнд дэмжлэг үзүүлэх ажлыг зөв зохистой зохион байгуулах
2. ②ХШНОСХГ-т шаардлагатай бичиг баримтыг өгөх

*Хэрэв бүртгэлтэй дэмжигч байгууллага ①②-т заасан үүрэг хариуцлгаа биелүүлэхгүй тохиолдолд бүртгэлээс хасагдах тохиолдол бий.