Япон улс Монгол улсын хооронд дипломат харилцаа байгуулсны 45 жилийн ойд зориулсан гэрэл зургийн үзэсгэлэн

　　10 дугаар сарын 11-ний өдрөөс 22-ны хооронд Улаанбаатар хот дахь “Q – Art gallery” дээр Япон улс Монгол улсын хооронд дипломат харилцаа тогтоосны 45 жилийн ойд зориулсан гэрэл зургийн үзэсгэлэн зохион байгуулагдлаа. Нээлтийн ажиллагаанд ерөнхийлөгчийн зөвлөх Д.Дагвадорж (их аварга Асашёорюү) хүрэлцэн ирэв. Японы гэрэл зурагчдын холбоо Монголын гэрэл зурагчдын холбоотой хамтран зохион байгуулсан уг үзэсгэлэнд Япон улсын нэр бүхий 11 гэрэл зурагчдын бүтээлүүд болон 2016 оны гэрэл зургийн өдөрт зориулсан арга хэмжээний үеээр шагналт байранд шалгарсан бүтээл зэрэг нийт 150 гаруй бүтээлүүд дэлгэгдэв.