2017 Монголын тал нутгийн марафон зохион байгуулагдлаа

    9 дүгээр сарын 10-ны өдөр Төв аймгийн Хүй долоон худагт Монголын Хөнгөн Атлетикийн холбоо Монголын Олон улсын марафоныг зохион байгуулах комисстой хамтран Япон улс монгол улсын хооронд дипломат харилцаа тогтоосны 45 жилийн ойн хүрээнд зохиогдож буй арга хэмжээний зөвшөөрөл бүхий “21 дэх удаагийн Монголын Олон улсын Тал нутгийн марафон”-ыг зохион байгууллаа. Тус марафон гүйлтэд нийт 1500 орчим хүн оролцож, Монголын цэлмэг хөх тэнгэр дор хурд хүч, авхаалж самбаагаа сорилоо.
   Тус тэмцээний хагас марафоны эрэгтэй төрөлд Бямбажав 1 цаг 3 минут 35 секундын амжилтаар, эмэгтэй төрөлд Мөнхзаяа 1 цаг 15 минут 30 секундын амжилтаар тус тус түрүүлж зохион байгуулагчдын шагнал болох аргамаг хүлгийн эзэд болж торгон жолоо атгалаа.

                                                              
                                                       Зүүн гар талаас Олимпийн хорооны ерөнхийлөгч Д.Загдсүрэн, 
                                                      Хөнгөн Атлетикийн холбооны ерөнхийлөгч Л.Болд, Элчин сайд М.Такаока, 
                                                      Тал нутгийн марафон тэмцээний зохион байгуулах ажлын хэсгийн дарга
                                                      Зоригтбаатар, Төв аймгийн засаг дарга Ж.Батжаргал, Тал нутгийн марафон
                                                      тэмцээний үүсгэн байгуулагч Т.Фүживара
 
                                                              
 
　                                                           
                                                         Хагас марафонд амжилттай гүйн барианд орж буй Элчин сайд Такаока
 
　
                                                             
                                                                         Уралдааны шагнал болох морь гардуулж байгаа нь