Япон Улс, Монгол Улсын хооронд дипломат харилцаа тогтоосны 50 жилийн ойн хүрээнд Япон Улсын Элчин сайдын нэрэмжит “Жүдо сурагч” тэмцээнийг зохион байгуулав

　11 дүгээр сарын 25-наас 27-ны хооронд Японы ЭСЯ болон Монголын Жүдо бөхийн холбоо хамтран Япон Улсын Элчин сайдын нэрэмжит “Жүдо сурагч” тэмцээнийг Алдар спорт хороонд зохион байгуулав.
　Тус арга хэмжээний нээлтийн үеэр Япон Улсын хэргийг Түр хамаарагч Ш.Кикүма “Япон болон Монголын жүдо бөхийн харилцан ашигтай харилцаа нь хоёр орны хооронд дипломат харилцаа тогтоосны 50 жилийн ойг тохиолдуулан болж буй өнөөдрийн тэмцээнд оролцогч залуу үеийнхнээр дамжин өвлөгдөн үлдэхийг хүсэж байна” хэмээн онцлон дурдав. Тус тэмцээнд Монгол орны өнцөг булан бүрээс ирсэн 1,600 орчим тамирчид оролцож, 3 өдрийн турш гал халуун тэмцээнээр үргэлжлэв. Японы ЭСЯ-наас тэмцээнд шалгарсан шилдэг 2 тамирчинд дэд шагнал болох “Jenesys” хөтөлбөрт оролцож, Япон орноор аялах эрхийн бичгийг гардууллаа.