Хэнтий аймгийн Батширээт суман дахь “Өвсний үндэс - Хүний аюулгүй байдлыг хангах буцалтгүй тусламж”-ийн хөтөлбөр
2023/7/20
Засаг дарга Ц.Чогсомжав болон Элчин сайд Х.Кобаяши нар гарын үсэг зурж буй нь
Гарын үсэг зурсны дараах дурсгалын зураг
7 дугаар сарын 20-ны өдөр, Япон Улсаас Монгол Улсад суугаа Элчин сайдын өргөөнд Япон Улсын Засгийн газрын 2023 оны “Өвсний үндэс - Хүний аюулгүй байдлыг хангах буцалтгүй тусламж”-ийн хөтөлбөрийн хүрээнд хэрэгжих “Хэнтий аймгийн Батширээт сумын Эрүүл мэндийн төвийн засварын төсөл”-ийн буцалтгүй тусламжийн гэрээнд Элчин сайд Х.Кобаяши болон Хэнтий аймгийн Засаг дарга Ц.Чогсомжав нар гарын үсэг зурав.
Засаг дарга Ц.Чогсомжав нь Хэнтий аймгийн Батширээт сумын Эрүүл мэндийн төвийн засварын төсөл хэрэгжих болсонд туйлын баяртай байгаагаа дурдаад, тус төслийн хэрэгжилтэнд аймгийн зүгээс бүрэн хяналт тавьж ажиллах болно гэдгээ илэрхийлэв.
Уг төслийн хүрээнд Хэнтий аймгийн Батширээт сумын Эрүүл мэндийн төвийн А байранд их засварын ажил хийгдэх юм. Тус байр нь дээврээс байнга дусаал гоождог тул тааз болон дотор хананы будаг холцорч хуурч, усны хаяалга суурилуулаагүйн улмаас гадна хана болон цонх ихээр элэгдэлд орсон. Бохирын шугам нь бөглөрдөг, халаалтын шугамын радиатор нь хагарч ус гоожсон байдалтай байгаа нь тус эмнэлгийн амбулаториор нэг жилд үйлчлүүлдэг 10,000 орчим иргэн, хэвтэн эмчлүүлдэг 400 гаруй иргэний эрүүл мэнд, эрүүл ахуйд ихээхэн хүндрэл учруулж байна.Энэ удаагийн төсөл хэрэгжсэнээр эдгээр асуудлууд шийдэгдэж, тус эмнэлгийн эмч, ажилчид болон тус эмнэлгээр үйлчлүүлэгч иргэдийн эрүүл, аюулгүй орчинд эмчлүүлж, сувилуулах нөхцөл боломж бүрдэх юм.
Япон Улсын Засгийн газар нь Монгол Улсад 1990 оноос өнөөдрийг хүртэл 33 жилийн турш “Өвсний үндэс - Хүний аюулгүй байдлыг хангах буцалтгүй тусламж” хөтөлбөрийг хэрэгжүүлж байна. Энэ удаагийн төсөл нь Монгол улсад хэрэгжих Өвсний үндэс буцалтгүй тусламжийн 595 дахь, Хэнтий аймагт хэрэгжих 21 дэх, Батширээт суманд хэрэгжих анхны төсөл болж байна. Мөн энэ удаа батлагдсан төслийн санхүүжилтийн дээд хязгаар нь 121,521 ам.доллар (421,440,907 орчим төгрөг) юм.
Засаг дарга Ц.Чогсомжав нь Хэнтий аймгийн Батширээт сумын Эрүүл мэндийн төвийн засварын төсөл хэрэгжих болсонд туйлын баяртай байгаагаа дурдаад, тус төслийн хэрэгжилтэнд аймгийн зүгээс бүрэн хяналт тавьж ажиллах болно гэдгээ илэрхийлэв.
Уг төслийн хүрээнд Хэнтий аймгийн Батширээт сумын Эрүүл мэндийн төвийн А байранд их засварын ажил хийгдэх юм. Тус байр нь дээврээс байнга дусаал гоождог тул тааз болон дотор хананы будаг холцорч хуурч, усны хаяалга суурилуулаагүйн улмаас гадна хана болон цонх ихээр элэгдэлд орсон. Бохирын шугам нь бөглөрдөг, халаалтын шугамын радиатор нь хагарч ус гоожсон байдалтай байгаа нь тус эмнэлгийн амбулаториор нэг жилд үйлчлүүлдэг 10,000 орчим иргэн, хэвтэн эмчлүүлдэг 400 гаруй иргэний эрүүл мэнд, эрүүл ахуйд ихээхэн хүндрэл учруулж байна.Энэ удаагийн төсөл хэрэгжсэнээр эдгээр асуудлууд шийдэгдэж, тус эмнэлгийн эмч, ажилчид болон тус эмнэлгээр үйлчлүүлэгч иргэдийн эрүүл, аюулгүй орчинд эмчлүүлж, сувилуулах нөхцөл боломж бүрдэх юм.
Япон Улсын Засгийн газар нь Монгол Улсад 1990 оноос өнөөдрийг хүртэл 33 жилийн турш “Өвсний үндэс - Хүний аюулгүй байдлыг хангах буцалтгүй тусламж” хөтөлбөрийг хэрэгжүүлж байна. Энэ удаагийн төсөл нь Монгол улсад хэрэгжих Өвсний үндэс буцалтгүй тусламжийн 595 дахь, Хэнтий аймагт хэрэгжих 21 дэх, Батширээт суманд хэрэгжих анхны төсөл болж байна. Мөн энэ удаа батлагдсан төслийн санхүүжилтийн дээд хязгаар нь 121,521 ам.доллар (421,440,907 орчим төгрөг) юм.
Дурсгалын зураг
Уулзалтын үеэр