Гадаад харилцааны яамны дэргэдэх Эмэгтэйчүүдийн дипломат клубээс зохион байгуулдаг олон улсын хандивын өдөрлөг болов

　9 дүгээр сарын 16-ны өдөр, Япон Улсаас Монгол Улсад суугаа Элчин сайдын яам Улаанбаатар зочид буудалд Гадаад харилцааны яамны дэргэдэх Эмэгтэйчүүдийн дипломат клубээс зохион байгуулсан “Сайн санааны үйлс" олон улсын өдөрлөгт оролцов. Энэ үеэр ЭСЯ-ны ажилтнууд Япон соёлыг танилцуулах зорилгоор тайзнаа үндэсний хоолны соёл болох “Мочицүки” буюу жигнэсэн тусгай будааг модон мунаар цохиж амттан бэлтгэх үзүүлбэрийг өдөрлөгт ирсэн хүүхдүүдийн хамт хийж, хүрэлцэн ирсэн зочдыг дайлав. Мөн Японы буланд ЭСЯ-ны дипломат ажилтнуудын гэр бүл олон төрлийн амттан болон японы үндэсний бэлэг дурсгалын зүйлс зэргийг зарж борлуулаа. Борлуулалтын орлого нь Монгол Улсын Гадаад харилцааны яамны дэргэдэх Эмэгтэйчүүдийн дипломат клубээр дамжуулан тусламж шаардлагатай Монголын эмэгтэйчүүд, хүүхдүүд зэрэгт зориулагдах юм.