Элчин сайд Игавахара Масарү гэргийн хамт Баянхонгор аймагт зочлов

　5 дугаар сарын 24-нөөс 27-ны өдрүүдэд Элчин сайд Игавахара Масарү гэргийн хамт Баянхонгор аймагт айлчилж, Баянхонгор аймгийн Засаг дарга Э.Энхбат тэргүүтэй аймгийн удирдлагууд болон Баянговь сумын Засаг дарга Б.Батжаргал нартай уулзан, Япон, Монголын хамтын ажиллагаа, харилцааны талаар санал солилцов.
　Мөн айлчлалын хүрээнд Элчин сайд Игавахара гэргийн хамт Монгол Улсаас Япон Улсад суугаа Элчин сайд агсан Д.Хүрэлбаатарын нэрэмжит дурсгалын цэцэрлэг болон “Токүда сан”-гийн хандиваар байгуулсан Баянхонгор аймгийн нэгдсэн эмнэлгийн хиймэл бөөрний тасаг,  "Хүүхдийг ивээх сан”-гийн “Тэгш хүртээмжтэй, тогтвортой, цогц үйлчилгээгээр бага насны хүүхдийн хөгжлийг дэмжих нь" төсөл хэрэгжиж буй өрхийн эрүүл мэндийн төв болон цэцэрлэг, Япон хэлний сургалттай “Соого сэйкео” сургууль зэргийн үйл ажиллагаатай танилцав.