"Шинэ Монгол Харүмафүжи" сургуулийн албан ёсны нээлт

2018/9/17

9 сарын 1-нд "Шинэ Монгол Харүмафүжи" сургуулийн албан ёсны нээлтийн ёслол зохион байгуулагдаж, Япон улсаас Монгол улсад суугаа Элчин сайд М. Такаока оролцлоо. Шинэ Монгол Харүмафүжи сургууль нь Японы мэргэжилийн сумогийн аварга асан Харүмафүжи Бямбадорж болон Шинэ Монгол Эрдмийн Хүрээлэнгийн ерөнхийлөгч Ж.Галбадрах нарын хамтран байгуулсан Япон маягийн системтэй сургууль юм. Нээлтийн ёслолын үеэр Элчин сайд М.Такаока "Энэхүү “шив шинэхэн” сургуулийн, “шив шинэхэн” сурагчид та бүхэнд “шив шинэ” Монгол улсын хөгжилийн төлөө хичээнгүйлэн суралцахыг хүсье" гэж мэндчилгээ дэвшүүлэв.

"Шинэ Монгол Харүмафүжи" сургуулийн Тууз хайчлах ёслол

Ж.Галбадрах болон Харүмафүжи Бямбадорж Элчин сайд М.Тэкаока болон БСШАС-ын сайд
нар үг хэлж байгаа Ц.Цогзолмаа нар мэндчилгээ дэвшүүлж буй нь