Дорноговь, Баян-Өлгий, Увс болон Завхан аймагт хэрэгжүүлэх Япон улсын буцалтгүй тусламжийн “Өвсний үндэс-Хүний аюулгүй байдлыг хангах хөтөлбөр”

     3 сарын 27-ны өдөр “Өвсний үндэс-Хүний аюулгүй байдлыг хангах буцалтгүй тусламжийн гэрээнд гарын үсэг зурах ёслол боллоо. Японы ЭСЯ-ны өргөөнд Элчин сайд Масато Такаока, Баян-Өлгий аймгийн Засаг дарга А.Гылымхан, Увс аймгийн Засаг дарга Д.Батсайхан, Завхан аймгийн Засаг дарга Д.Батсайхан болон Дорноговь аймгийн Засаг дарга Т.Энхтүвшин нар гэрээнд гарын үсэг зурлаа. Энэхүү арга хэмжээнд УИХ-ын гишүүн, Эрүүл мэндийн сайд Д.Сарангэрэл, Завхан аймгаас сонгогдсон УИХ-ын дэд дарга Я.Санжмятав, Увс аймгаас сонгогдсон УИХ-ын гишүүн, Байгаль орчин аялал жуулчлалын сайд Н.Цэрэнбат, Дорноговь аймгаас сонгогдсон УИХ-ын гишүүн Б.Дэлгэрсайхан нар оролцлоо.
 
    4 төслийн танилцуулга:

• Дорноговь аймгийн Сайншанд сумын Ерөнхий боловсролын 1-р сургуулийн дотуур байр болон Насантуршийн боловсролын төвийн засварын төсөл
• Баян-Өлгий аймгийн Өлгий сумын Ерөнхий боловсролын 4-р сургуулийн засварын төсөл
• Увс аймгийн Улаангом сумын Ерөнхий боловсролын 4-р бүрэн дунд сургуулийн өргөтгөлийн төсөл
• Завхан аймгийн Баянхайрхан сумын эмнэлгийн засварын төсөл тус тус болно.
   

     2018 онд Өвсний үндэс-Хүний аюулгүй байдлыг хангах буцалтгүй тусламжийн хөтөлбөрийн хүрээнд энэ удаагийн төслүүдийг оруулаад нийт 19 төсөл, 1990 оноос хойш нийт 542 төсөл Монгол улсад хэрэгжүүлээд байгаа билээ. Арга хэмжээ болсон танхимд өнөөг хүртэл хэрэгжсэн төслүүдийн танилцуулга  болон энэ удаагийн төсөл хэрэгжих газрын одоогийн нөхцөл байдал болон аймаг тус бүрээс ирсэн нэрийн бүтээгдэхүүн болон бүтээлүүдийг дэлгэн үзүүлэв.