Элчин сайдын мэндчилгээ
2025/3/1
Сайн байцгаана уу, Япон Улсаас Монгол Улсад суугаа Онц бөгөөд бүрэн эрхт Элчин сайд Игавахара байна.
Японы Элчин сайдаар Монгол Улсад томилогдон ирээд 1 жил өнгөрчээ. Жавар тачигнасан тэсгим хүйтэн өвөл, салхи шуурч яргуй нүдэлсэн хавар, номин ногоон өнгөөр гэнэтхэн хувирах дэлгэр зун, Монголын хөрсөнд ургасан шинэхэн жимс, ногоогоор бялхсан налгар намар хэмээх Монголын эрс тэс байгалийг биеэр харж баясан Монгол оронтой улам их ойртон даслаа. Монголын ард түмэн болоод Монголд амьдарч буй япончууд Та бүхэн халуун дотноор хүлээн авч олон талын дэмжлэг үзүүлсний ачаар үр бүтээлтэй ажлаа хийж чадлаа. Үүнд чин сэтгэлээсээ талархал илэрхийлье.
2025 он бол Япон, Монгол хоёр орны харилцаа улам гүнзгийрэх нэн чухал жил юм.
Юуны өмнө, энэ жил Монгол Улс ардчилсан тогтолцоонд шилжсэнээс хойш 35 жилийн ойгоо угтаж байна. Өөрөөр хэлбэл, Япон, Монгол хоёр улс ардчилал хэмээх нийтлэг үнэт зүйлсийн дор шинээр харилцан итгэлцсэн харилцааг бий болгож хамтдаа алхаж ирсэн хугацаа 35 жилийн түүхэн ойтойгоо золгож байна. Японы шат дараалсан хамтын ажиллагаа нь Монгол Улс ардчилал, чөлөөт зах зээлийн эдийн засаг руу шилжих шилжилтийн үед тулгарсан хүндрэл бэрхшээлийг даван туулж, өнөөгийн өргөн хүрээтэй хөгжилд хүргэх үндэс суурийг тавих үйл явцад томоохон хувь нэмэр оруулж ирснийг монголын ард түмэн өндрөөр үнэлдэг билээ. Энэхүү итгэлцэлд үндэслэн энэ оны эхээр Япон Улсын Засгийн газар Монгол Улсад иенийн хөнгөлөлттэй зээлийг эргэн сэргээж олгохоор шийдвэрлэсэн билээ. Үүнээс улбаалан "Чингис хаан" олон улсын нисэх буудлын өргөтгөл болоод бусад олон төсөл хөтөлбөрт цаашид хамтран ажиллана хэмээн найдаж байна. Хоёр орны харилцааны түүхийг анхлан бүтээсэн эрхмүүдэд талархан цаашид үргэлжлүүлэн “Энх тайван, хөгжил цэцэглэлтийн төлөөх тусгай стратегийн түншлэл”-ийг бэхжүүлэхийг хүсэж байна.
Мөн энэ жил япон хэлний боловсрол олгож эхэлснээс хойш 50 жил өнгөрчээ. Өнөөг хүртэл япон хэл сурсан, Японд сурч байсан залуус Монголын улс төр, эдийн засаг, соёл, эрдэм шинжилгээ, эрүүл мэнд, спорт зэрэг олон салбарт чухал үүрэг гүйцэтгэж Монгол орны хөгжилд хувь нэмрээ оруулж байгаа нь гайхалтай. Сүүлийн жилүүдэд манай улс Монгол Улсын Засгийн газраас явуулж буй аж үйлдвэрийг төрөлжүүлэх болон аж үйлдвэрийн салбар дахь хүний нөөцийг хөгжүүлэхэд дэмжлэг үзүүлэх зорилгоор инженер технологийн дээд боловсролын чадавхыг бэхжүүлэх замаар инженер бэлтгэхэд хамтран ажиллаж байна. Тогтвортой хөгжлийн зорилтод хүрэх зайлшгүй шаардлагатай хүчин зүйл бөгөөд бусад хүн, өөр соёлыг ойлгож итгэн, энх тайвныг дэмжих тулгуур бол боловсрол юм. Монгол Улс, олон улсын хамтын нийгэмлэгийн хөгжил болоод энх амгалан тогтоохын төлөөх Монголын залуучуудын үйл ажиллагааг цаашид ч дэмжих бодолтой байна.
Ингээд Та бүхэнд баяртай мэдээ дуулгахдаа баяртай байна. Ерөнхийлөгч У.Хүрэлсүх болоод Монголын ард түмэн Та бүхний урилгыг хүлээн авч Цог Жавхлант Эзэн Хаан болон Эрхэм дээд Хатны хамт энэ зун Монгол Улсад хийхээр төлөвлөж буй айлчлалын бэлтгэл ажил эхлээд байна. Монголчууд Та бүхэн халуун дотноор хүлээн авч хоёр орны харилцааны түүхэн онцгой айлчлал болно гэдэгт итгэлтэй байна. Та бүхнээс хамтран ажиллахыг хүсэж байна.
Миний унших дуртай Мияамото Мусашигийн “Таван тойргийн судар” хэмээх номд “Мянган өдрийн бэлтгэлээр хүчтэй болгоно, түмэн өдрийн бэлтгэлээр төгс болгоно” гүйцэд боловсорно гэдэг үг бий. Япон, Монголын харилцааг улам бүр хөгжүүлэн эдийн засаг, соёл, боловсрол, шинжлэх ухаан технологи, аюулгүй байдлыг хангах зэрэг олон салбар дахь хамтын ажиллагааг өргөжүүлэхэд нэг өдөр хангалтгүй юм. Тиймээс өдөр өдрөөр хуримтлагдах хичээл зүтгэлийг өчүүхэн бага хэмээн үл тоомсорлолгүй хожмын энх тайван, хөгжил цэцэглэлтийг бодитой болгохын төлөө бүхий л хүчээ дайчлах болно.
Энэ жил Та бүхний хувьд эрүүл энх, үр өгөөж арвин жил байхыг мөн Япон, Монголын харилцаа улам бүр гүнзгийрэхийг цаашлаад дэлхийн энх тайван, тогтвортой байдал батжихыг чин сэтгэлээсээ хүсэн ерөөе.
2025 оны Цагаан сард зориулав
Япон Улсаас Монгол Улсад суугаа Онц бөгөөд Бүрэн эрхт Элчин сайд
Игавахара Масарү
Японы Элчин сайдаар Монгол Улсад томилогдон ирээд 1 жил өнгөрчээ. Жавар тачигнасан тэсгим хүйтэн өвөл, салхи шуурч яргуй нүдэлсэн хавар, номин ногоон өнгөөр гэнэтхэн хувирах дэлгэр зун, Монголын хөрсөнд ургасан шинэхэн жимс, ногоогоор бялхсан налгар намар хэмээх Монголын эрс тэс байгалийг биеэр харж баясан Монгол оронтой улам их ойртон даслаа. Монголын ард түмэн болоод Монголд амьдарч буй япончууд Та бүхэн халуун дотноор хүлээн авч олон талын дэмжлэг үзүүлсний ачаар үр бүтээлтэй ажлаа хийж чадлаа. Үүнд чин сэтгэлээсээ талархал илэрхийлье.
2025 он бол Япон, Монгол хоёр орны харилцаа улам гүнзгийрэх нэн чухал жил юм.
Юуны өмнө, энэ жил Монгол Улс ардчилсан тогтолцоонд шилжсэнээс хойш 35 жилийн ойгоо угтаж байна. Өөрөөр хэлбэл, Япон, Монгол хоёр улс ардчилал хэмээх нийтлэг үнэт зүйлсийн дор шинээр харилцан итгэлцсэн харилцааг бий болгож хамтдаа алхаж ирсэн хугацаа 35 жилийн түүхэн ойтойгоо золгож байна. Японы шат дараалсан хамтын ажиллагаа нь Монгол Улс ардчилал, чөлөөт зах зээлийн эдийн засаг руу шилжих шилжилтийн үед тулгарсан хүндрэл бэрхшээлийг даван туулж, өнөөгийн өргөн хүрээтэй хөгжилд хүргэх үндэс суурийг тавих үйл явцад томоохон хувь нэмэр оруулж ирснийг монголын ард түмэн өндрөөр үнэлдэг билээ. Энэхүү итгэлцэлд үндэслэн энэ оны эхээр Япон Улсын Засгийн газар Монгол Улсад иенийн хөнгөлөлттэй зээлийг эргэн сэргээж олгохоор шийдвэрлэсэн билээ. Үүнээс улбаалан "Чингис хаан" олон улсын нисэх буудлын өргөтгөл болоод бусад олон төсөл хөтөлбөрт цаашид хамтран ажиллана хэмээн найдаж байна. Хоёр орны харилцааны түүхийг анхлан бүтээсэн эрхмүүдэд талархан цаашид үргэлжлүүлэн “Энх тайван, хөгжил цэцэглэлтийн төлөөх тусгай стратегийн түншлэл”-ийг бэхжүүлэхийг хүсэж байна.
Мөн энэ жил япон хэлний боловсрол олгож эхэлснээс хойш 50 жил өнгөрчээ. Өнөөг хүртэл япон хэл сурсан, Японд сурч байсан залуус Монголын улс төр, эдийн засаг, соёл, эрдэм шинжилгээ, эрүүл мэнд, спорт зэрэг олон салбарт чухал үүрэг гүйцэтгэж Монгол орны хөгжилд хувь нэмрээ оруулж байгаа нь гайхалтай. Сүүлийн жилүүдэд манай улс Монгол Улсын Засгийн газраас явуулж буй аж үйлдвэрийг төрөлжүүлэх болон аж үйлдвэрийн салбар дахь хүний нөөцийг хөгжүүлэхэд дэмжлэг үзүүлэх зорилгоор инженер технологийн дээд боловсролын чадавхыг бэхжүүлэх замаар инженер бэлтгэхэд хамтран ажиллаж байна. Тогтвортой хөгжлийн зорилтод хүрэх зайлшгүй шаардлагатай хүчин зүйл бөгөөд бусад хүн, өөр соёлыг ойлгож итгэн, энх тайвныг дэмжих тулгуур бол боловсрол юм. Монгол Улс, олон улсын хамтын нийгэмлэгийн хөгжил болоод энх амгалан тогтоохын төлөөх Монголын залуучуудын үйл ажиллагааг цаашид ч дэмжих бодолтой байна.
Ингээд Та бүхэнд баяртай мэдээ дуулгахдаа баяртай байна. Ерөнхийлөгч У.Хүрэлсүх болоод Монголын ард түмэн Та бүхний урилгыг хүлээн авч Цог Жавхлант Эзэн Хаан болон Эрхэм дээд Хатны хамт энэ зун Монгол Улсад хийхээр төлөвлөж буй айлчлалын бэлтгэл ажил эхлээд байна. Монголчууд Та бүхэн халуун дотноор хүлээн авч хоёр орны харилцааны түүхэн онцгой айлчлал болно гэдэгт итгэлтэй байна. Та бүхнээс хамтран ажиллахыг хүсэж байна.
Миний унших дуртай Мияамото Мусашигийн “Таван тойргийн судар” хэмээх номд “Мянган өдрийн бэлтгэлээр хүчтэй болгоно, түмэн өдрийн бэлтгэлээр төгс болгоно” гүйцэд боловсорно гэдэг үг бий. Япон, Монголын харилцааг улам бүр хөгжүүлэн эдийн засаг, соёл, боловсрол, шинжлэх ухаан технологи, аюулгүй байдлыг хангах зэрэг олон салбар дахь хамтын ажиллагааг өргөжүүлэхэд нэг өдөр хангалтгүй юм. Тиймээс өдөр өдрөөр хуримтлагдах хичээл зүтгэлийг өчүүхэн бага хэмээн үл тоомсорлолгүй хожмын энх тайван, хөгжил цэцэглэлтийг бодитой болгохын төлөө бүхий л хүчээ дайчлах болно.
Энэ жил Та бүхний хувьд эрүүл энх, үр өгөөж арвин жил байхыг мөн Япон, Монголын харилцаа улам бүр гүнзгийрэхийг цаашлаад дэлхийн энх тайван, тогтвортой байдал батжихыг чин сэтгэлээсээ хүсэн ерөөе.
2025 оны Цагаан сард зориулав
Япон Улсаас Монгол Улсад суугаа Онц бөгөөд Бүрэн эрхт Элчин сайд
Игавахара Масарү