“Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” буцалтгүй тусламжийн төслийн гэрээнд (Японы төрийн бус байгууллагуудаар дамжуулан хэрэгжих) гарын үсэг зурах арга хэмжээ болов
2024/3/25
Элчин сайд М.Игавахара болон Японы Хүүхдийг ивээх сангийн Монгол дахь Хөтөлбөрийн газрын захирал Тоёда Мицүаки нар
Дурсгалын зураг
2024 оны 3 дугаар сарын 25-ны өдөр, Япон Улсаас Монгол Улсад суугаа Элчин сайдын өргөөнд Японы төрийн бус байгууллагаар дамжуулан хэрэгжих “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” буцалтгүй тусламжийн төслийн гэрээнд гарын үсэг зурах ёслолын арга хэмжээ болов. Уг гэрээнд Элчин сайд М.Игавахара болон Японы Хүүхдийг ивээх сангийн Монгол дахь хөтөлбөрийн газрын захирал Тоёда Мицүаки нар гарын үсэг зурав.
"Японы Хүүхдийг ивээх сан" ТББ нь сүүлийн гурван жилийн хугацаанд Японы ТББ-аар дамжуулан хэрэгжсэн “Хүүхэд бүрийг боловсролд тэгш хамруулах зарчмыг дэмжих нь” буцалтгүй тусламжийн хөтөлбөрийн хүрээнд Улаанбаатар хот, Өвөрхангай болон Ховд аймагт хүүхдийг боловсролд тэгш хамруулах чиглэлд дэмжин ажиллаж ирсэн юм. Энэ удаад хэрэгжих “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” буцалтгүй тусламжийн төсөл нь сургуулийн өмнөх бага насны хүүхдүүдийн хөгжлийн бэрхшээлийг эрт үед нь илрүүлэх, эрт оролцоог хангахад эрүүл мэндийн төв болон цэцэрлэгийн ахуй орчинг сайжруулж, хүний нөөцийг чадавжуулахад чиглэх юм. Уг төсөл нь 2024 оны 3 дугаар сарын 30-наас 2025 оны 3 дугаар сарын 29-нийг дуустал хэрэгжих бөгөөд төслийн санхүүжилтийн нийт дүн нь 620,302 ам.доллар юм.
*Японы төрийн бус байгууллагатай хамтран хэрэгжүүлдэг буцалтгүй тусламжийн хөтөлбөр нь хөгжиж буй орнууд болон бүс нутагт дахь Японы ТББ-ийн хэрэгжүүлж буй нийгэм, эдийн засгийг хөгжүүлэх төсөл, хөтөлбөрүүдийг санхүүжүүлэх Япон Улсын Засгийн газрын тогтолцоо юм.
"Японы Хүүхдийг ивээх сан" ТББ нь сүүлийн гурван жилийн хугацаанд Японы ТББ-аар дамжуулан хэрэгжсэн “Хүүхэд бүрийг боловсролд тэгш хамруулах зарчмыг дэмжих нь” буцалтгүй тусламжийн хөтөлбөрийн хүрээнд Улаанбаатар хот, Өвөрхангай болон Ховд аймагт хүүхдийг боловсролд тэгш хамруулах чиглэлд дэмжин ажиллаж ирсэн юм. Энэ удаад хэрэгжих “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” буцалтгүй тусламжийн төсөл нь сургуулийн өмнөх бага насны хүүхдүүдийн хөгжлийн бэрхшээлийг эрт үед нь илрүүлэх, эрт оролцоог хангахад эрүүл мэндийн төв болон цэцэрлэгийн ахуй орчинг сайжруулж, хүний нөөцийг чадавжуулахад чиглэх юм. Уг төсөл нь 2024 оны 3 дугаар сарын 30-наас 2025 оны 3 дугаар сарын 29-нийг дуустал хэрэгжих бөгөөд төслийн санхүүжилтийн нийт дүн нь 620,302 ам.доллар юм.
*Японы төрийн бус байгууллагатай хамтран хэрэгжүүлдэг буцалтгүй тусламжийн хөтөлбөр нь хөгжиж буй орнууд болон бүс нутагт дахь Японы ТББ-ийн хэрэгжүүлж буй нийгэм, эдийн засгийг хөгжүүлэх төсөл, хөтөлбөрүүдийг санхүүжүүлэх Япон Улсын Засгийн газрын тогтолцоо юм.