Япон Улс, Монгол Улсын хооронд дипломат харилцаа тогтоосны 50 жилийн ойг тохиолдуулан зохион байгуулж буй “Японы кино өдрүүд 2022” арга хэмжээний нээлт болов

10 дугаар сарын 25-ны өдөр, “Тэнгис” кино театрт Япон Улс, Монгол Улсын хооронд дипломат харилцаа тогтоосны 50 жилийн ойг тохиолдуулан зохион байгуулж буй “Японы кино өдрүүд 2022” (10 сарын 25-наас 30-ны өдрүүд) арга хэмжээний нээлт болсны дараа Корээда Хироказү найруулагчийн “Миний хүсэл” киног толилуулав. Энэхүү арга хэмжээг Япон Сантай хамтран зохион байгуулж байна.

Киноны өмнөх нээлтийн үеэр Элчин сайд Х.Кобаяши хэлсэн үгэндээ “Би киног том дэлгэцээр нүргэлэх сүрлэг дуу чимээг мэдрэнгээ бүтээл бүрийн хүнд хүргэх гэсэн санааг Та бүхэнтэй хамт ойлгон мэдэрч, япон киногоор дамжуулан монголчууд Та бүхэн Япон орон болоод япончуудын тухай илүү их ойлголттой болно хэмээн тун их найдаж байна” хэмээв.
Нээлтийн дараа “Миний хүсэл” киног толилуулсан бөгөөд 100 орчим хүн үзэж сонирхов.
26-ны өдрөөс хойш доорх хөтөлбөрийн дагуу япон дуу оруулгатай, англи, монгол хэлний хадмал орчуулгатай гарах тул Та бүхэн гэр бүл, найз нөхдийн хамт өргөнөөр ирж сонирхоно уу.

Мөн үзвэр үнэ төлбөргүй тул суудал дүүрсэн тохиолдолд танхимд орох боломжгүй болохыг анхаарна уу.

Өнөөдрөөс хойш гарах кино ба киноны хуваарь

　（1）　МИНИЙ ХҮСЭЛ
　　　Гарах өдөр, цаг: 10 сарын 29 /Бямба/ 14:00-

　（2）　RECALL
　　　Гарах өдөр, цаг: 10 сарын 26 /Лхагва/ 18:00-, 10 сарын 29 /Бямба/ 18:00-

　（3）　ПЕКОРОСИЙН ЭЭЖ БА ТҮҮНИЙ ӨДРҮҮД
　　　Гарах өдөр, цаг: 10 сарын 27 /Пүрэв/ 18:00-, 10 сарын 30 /Ням/ 14:00-

　（4）　ДУРААРАА Л ЧИЧИР
　　　Гарах өдөр, цаг: 10 сарын 28 /Баасан/ 18:00-, 10 сарын 30 /Ням/ 18:00-
 
Киноны талаарх танилцуулгыг энд (https://www.mn.emb-japan.go.jp/itpr_ja/kino2022_mn.html)-ээс харна уу.