15 дахь удаагийн “Японоор хэн сайн ярих вэ” уралдаан зарлаж байна
Япон улсын элчин сайдын яам, Япон хэлний багш нарын холбоо, Монгол-Японы Төвөөс хамтран явуулж буй “Японоор хэн сайн ярих вэ” уралдааныг доорх нөхцлийн дагуу зарлаж байна. Уг уралдаанд түрүүлсэн нэг хүнийг 15 хоног Японд аялах Япон сангийн хөтөлбөрт ЭСЯ-наас дэвшүүлэх болно. Япон хэл сурч судалж буй та бүхнийг өргөнөөр оролцохыг урьж байна.
1/ Хуваарь
• Шалгаруулалтын 1-р үе шат /бичгийн шалгалт/
Өдөр цаг: 2-р сарын 27-ний /Бямба гараг/ Цугларах цаг 9:30/
Байр: Монгол-Японы төв
Эхний 10 байр эзэлсэн хүмүүс дараагийн шат болох
“Японоор хэн сайн ярих вэ” уралдаанд оролцоно.
• “Японоор хэн сайн ярих вэ” уралдаан
Өдөр цаг: 3-р сарын 13-ний /Бямба гараг/ 14:00 цагаас
Байр: Монгол-Японы төв
2/ Бүртгэл
Хугацаа: 2-р сарын 4-ны /Пүрэв гараг/-аас 2-р сарын 10-ний/Лхагва гараг/ хүртэл 13:00-17:00 цагийн хооронд
2-р сарын 6,7-нд бүртгэл явагдахгүй.
Байр: Монгол-Японы төвийн 1 давхрын хүлээлгийн танхимд
Бүртгэлийн хураамж: Бүртгэл үнэгүй
Шаардагдах зүйлс: Биеийн байцаалт, Зураг 2 хувь /3х4см/
Уралдаанд оролцогч нь:
1. Япон хэлний багш байж болохгүй
2. 18-54 насны (2010 оны 2-р сарын 1-ний байдлаар) Монгол улсын иргэн байна.
ЕБС-ийн сурагчид оролцох боломжгүй.
3. Өнгөрсөн 5 жилд 1 долоо хоногоос дээш хугацаагаар Япон улсад зорчиж байсан болон 6 сараас дээш хугацаагаар Японд амьдарч байсан хүн уралдаанд оролцох боломжгүй.
4. Япон улсад суралцах болон судалгаагаар явахаар төлөвлөж байгаа хүн оролцох боломжгүй.