Нүүр хуудас＞Эдийн засгийн хамтын ажиллагаатай холбогдсон мэдээлэл＞2008 оны Өвсний Үндэс Хүний аюулгүй байдлыг хангахад чиглэсэн буцалтгүй тусламжийн төслийн гэрээнд гарын үсэг зурах ёслол

2008 оны Өвсний Үндэс Хүний аюулгүй байдлыг хангахад чиглэсэн буцалтгүй тусламжийн төслийн гэрээнд гарын үсэг зурах ёслол


Япон улсын засгийн газраас Монгол улсад үзүүлж буй Өвсний Үндэс Хүний аюулгүй байдлыг хангахад чиглэсэн буцалтгүй тусламжийн хүрээнд хэрэгжих “2008 оны бүх нийтийн сонгуульд ажиглалт хийх Ази Номхон далайн ардчиллыг дэмжих түншлэлийн багийн үйл ажиллагааг дэмжих төсөл”-ийн гэрээнд гарын үсэг зурах ёслол 6 дугаар сарын 17-ны өдөр Монгол дахь Япон улсын элчин сайдын яаманд боллоо.

Уг төсөл нь Ази Номхон далайн ардчиллыг дэмжих түншлэлийн хүрээнд азийн улс орнуудаас томилогдон ирэх сонгуулийн ажиглалтын багийн гишүүдийн замын зардал болон зочид буудлын зардал, монголын нутаг оронд сонгуулийн ажиглалт явуулахад шаардлагатай үйл ажиллагааны зардлыг буцалтгүй тусламжаар олгох бөгөөд 2008 оны монголын бүх нийтийн сонгуулийг зөв шударга явуулахад хувь нэмэр оруулах зорилготой юм.

Энэхүү төслийг АНУ-д төвтэй Олон улсын төрийн бус байгуллага болох Бүгднайрамдахчуудын олон улсын хүрээлэн (Монгол дахь бүгднайрамдахчуудын олон улсын хүрээлэн) хэрэгжүүлнэ.



2008 оны санхүүгийн жилд Япон Улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх төслийн гэрээнд гарын үсэг зурах ёслол боллоо


2008 оны санхүүгийн жилд Япон Улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх төслийн гэрээнд гарын үсэг зурах ёслол боллоо


3-р сарын 6-ны өдөр, Япон Улсын Элчин Сайдын яаманд Япон Улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх 4
төслийн гэрээнд гарын үсэг зурах ёслолын ажиллагаа боллоо.

Үүнд:

1. “Булган аймгийн Гурванбулаг сумын усан хангамжийг сайжруулах төсөл”
2. “Завхан аймгийн Нөмрөг сумын 11-н жилийн сургуулийн засварын төсөл”
3. “Улаанбаатар хотын Сүхбаатар дүүргийн 15-р хорооны байгаль хамгаалах цэцэрлэгийг тохижуулах төсөл”
4. “Хөвсгөл аймгийн Чандмань-Өндөр сумын 11-н жилийн сургуулийн засварын төсөл”

　 багтсан болно.

Өнөөдөр гарын үсэг зурсан 2 төсөл нь боловсролын салбарт хамрагдаж байна. Япон Улсын Засгийн газар суурь боловсролоор дамжуулан хүний нөөцийг хөгжүүлэхийг чухалчилдаг бөгөөд “Зах зээлийн эдийн засгийг хөгжүүлэх тогтолцоог бэхжүүлэх болон боловсон хүчин бэлтгэхэд чиглэсэн тусламж”-ийг Монгол Улсад үзүүлж буй тусламжийн хөтөлбөрийн дөрвөн үндсэн чиглэлийн нэг болгон үзэж байгаа юм. Энэ төсөл нь Монгол улсын ирээдүй болсон хүүхдүүдийн сурч боловсрох орчинийг сайжруулахад хувь нэмэр болно гэдэгт найдаж байна.

Мөн “Улаанбаатар хотын Сүхбаатар дүүргийн 15-р хорооны байгаль хамгаалах цэцэрлэгийг тохижуулах төсөл” нь Монголын Улаан Загалмайн нийгэмлэгээс хэрэгжүүлнэ. Энэ төслийн хүрээнд Улаанбаатар хотын тусгай хамгаалалтын бүсийн нэг болох Сүхбаатар дүүргийн Япон цэргийн дурсгалын цогцолбор газрын орчим дахь байгалийг хамгаалах зорилгоор төмөр хашаа босгон мод тарих үйл ажиллагааг зохион байгуулна. Улмаар цогцолбор газрын байгаль орчныг хамгаалахын зэрэгцээ, Монголын Улаан Загалмайн нийгэмлэгээс байгаль орчныг хамгаалах талаар сургалт сурталчилгаа ард иргэдийн дунд явуулах зэрэг үйл ажиллагаа нь улам үр дүнтэй хэрэгжих ач холбогдолтой юм.

2008 оны санхүүгийн жилд, өнөөдөр гарын үсэг зурсан 4-н төслийг оролцуулаад нийт 21-н төсөлд 1,606,192 долларын “Өвсний үндэс-хүний аюулгүй байдлыг хангах хөтөлбөр”-ийн буцалтгүй тусламжыг үзүүлсэн байна.