"Ерөнхий боловсролын сургуулийн барилга барих 2 дахь шатны төсөл"-ийн шинэ хичээлийн байр хүлээлгэн өгөх ёслолын ажиллагаа
Дархан-Уул аймагт
Орхон аймагт
Монгол Улс 1990 онд зах зээлийн эдийн засгийн тогтолцоонд шилжсэн цагаас хойш хот суурин газар руу чиглэсэн хүн амын урсгал хөдөлгөөн үргэлжлэн нэмэгдсэний улмаас хот суурин газруудад хичээлийн анги танхимын хүрэлцээгүй байдал хурц асуудал болж ирсэн. Мөн, эдүгээ Монгол Улс 10 жилийн боловсролын тогтолцооноос 12 жилийн тогтолцоонд шилжих бэлтгэл ажлыг хийж байгаа бөгөөд улам бүр анги танхим хүрэлцэхгүй болох явдал сэтгэл зовоосоор байна. 2006 оноос Дархан-Уул аймгийн 4-р дунд сургууль болон 11-р сургууль, "Од" цогцолбор сургууль зэрэг 3 сургуульд нийт 38 танхим бүхий шинэ хичээлийн байр, Орхон аймгийн тус 7-р дунд сургууль болон 2, 6-р дунд сургууль зэрэг 3 сургуульд нийт 19 танхим бүхий шинэ хичээлийн байрыг барьж байгуулав. Үүний үр дүнд Дархан-Уул болон Орхон аймгуудад анги танхим хүрэлцэхгүй байдлыг бууруулан, Монгол орны ирээдүйг бүтээлцэх хүүхэд багачуудын сурч боловсрох орчин нөхцлийг сайжруулах юм.
1999 оноос хойш Япон Улс "ЕБС-ийн барилга барих төсөл"-өөр дамжуулан ЕБС-иудыг шинээр барихад тусламж үзүүлж ирсэн билээ. Энэ удаад ч мөн "ЕБС-ийн барилга барих 2 дахь шатны төсөл"-өөс гадна "ЕБС-ийн барилга барих 3 дахь шатны төсөл"-ийг хэрэгжүүлж байгаа бөгөөд Улаанбаатар хотод хичээлийн анги танхим дутагдаж байгаа явдлыг багасгахад тусламж үзүүлж байна.
Япон Улсын Засгийн газар "Монгол Улсад үзүүлэх тусламжийн хөтөлбөр"-төө "Зах зээлийн эдийн засгийн тогтолцоог сайжруулах, боловсон хүчин бэлтгэхэд үзүүлэх тусламж"-ийг 4 үндсэн чиглэлийнхээ нэг болгон тодорхойлсон бөгөөд цаашид ч Монгол Улсын боловсролын салбарыг хөгжүүлэхэд идэвхтэй дэмжлэг туслалцаа үзүүлэх болно.