Нүүр хуудас＞Эдийн засгийн хамтын ажиллагаатай холбогдсон мэдээлэл＞2006 оны Япон улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх 8 төслийн гэрээнд гарын үсэг зурах ёслол

2006 оны Япон улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх 8 төслийн гэрээнд гарын үсэг зурах ёслол


3 дугаар сарын 20-ны өдөр, Япон улсын Элчин сайдын яаман дээр 2006 оны Япон улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх 8 төслийн гэрээнд гарын үсэг зурах ёслол боллоо. Ерөнхийлөгч Н. Энхбаяр саяхан Япон улсад хийсэн төрийн айлчлалынхаа үеэр тус улсын Ерөнхий сайд Ш. Абэгийн хамтаар гарын үсэг зурсан “Монгол, Японы хамтын ажиллагааны 10 жилийн үндсэн хөтөлбөр”-т “Өвсний үндэс” хөтөлбөрийг Монголын боловсон хүчнийг бэлтгэх боловсрол, соёл, нийгмийн салбарыг бэхжүүлэхэд үргэлжлүүлэн хэрэгжүүлнэ хэмээн тусгасан билээ. Үүн дээр үндэслэн “Өвсний үндэс” хөтөлбөрийн хүрээнд хэрэгжихээр болсон эдгээр 8 төсөл нь Ерөнхийлөгч Н. Энхбаярын Япон улсад хийсэн айлчлалын бодитой үр дүнгийн эхний жишээ гэж үзэж болно.

“Өвөрхангай аймгийн Хужирт сумын 11 жилийн сургуулийн дотуур байрны засварын төсөл”
“Сүхбаатар аймгийн Эрдэнэцагаан сумын 9 жилийн сургуулийн засварын төсөл”
“Дундговь аймгийн Эрдэнэдалай сумын цэцэрлэгийн барилгын төсөл”, “Баян-Өлгий аймгийн Бугат сумын 11 жилийн сургуулийн засварын төсөл”
“Баянхонгор аймгийн Нэгдсэн эмнэлэгт түргэн тусламжийн холбоо, нөөцийн цахилгаан эрчим хүчний системийг нэвтрүүлэх төсөл” “Хэнтий аймгийн Нэгдсэн эмнэлэгт түргэн тусламжийн холбоо, нөөцийн цахилгаан эрчим хүчний системийг нэвтрүүлэх төсөл”, “Булган аймгийн Хишиг-Өндөр сумын усан хангамжийг сайжруулах төсөл”
“Сэлэнгэ аймгийн Цагааннуур сумын усан хангамжийг сайжруулах төсөл”

Дээрх 8 төслийн 4 нь боловсролын байгууллагын орчинг сайжруулах, 2 нь нэгдсэн эмнэлэгт түргэн тусламжийн холбоо, нөөцийн цахилгаан эрчим хүчний системийг нэвтрүүлэх төсөл, 2 нь худгийн засварын төсөл болно. Эдгээрийн аль аль нь орон нутгийн хөгжилд хувь нэмрээ оруулах төсөл бөгөөд ялангуяа малчдын болон тэдгээрийн үр хүүхдийн боловсрол, ахуй амьдралын орчинг сайжруулахад үр дүнгээ өгнө гэдэгт найдаж байна.
2006 онд Япон улсын Засгийн газрын “Өвсний үндэс” хөтөлбөрийн хүрээнд дээрх 8 төслийг оролцуулаад нийт 28 төсөлд гарын зурсны ихэнх нь орон нутаг дахь боловсрол, эрүүл мэнд, усан хангамж, байгаль орчинтой холбоотой төслүүд юм. 2007 оны санхүүгийн жил энэ жилийн 4 сараас эхлэх ба цаашид ч Япон улсын Засгийн газар уг “Өвсний үндэс” хөтөлбөрийг “Монгол, Японы хамтын ажиллагааны үндсэн хөтөлбөр”-т үндэслэн үр дүнтэйгээр хэрэгжүүлэх бодолтой байна. (T)