Япон улсын Засгийн газрын буцалтгүй тусламжийн “Өвсний үндэс” хөтөлбөр “Улаанбаатар хотын Баянзүрх дүүргийн 3-р цэцэрлэгийн өргөтгөлийн барилга барих төсөл” –ийн барилгын нээлтийн ажиллагаа
Улаанбаатар хотын Баянзүрх дүүрэг нь хүн ам хэт шигүү суурьшсан дүүрэг бөгөөд хүн амын тоо ихэссэнтэй холбоотойгоор сургуулийн өмнөх насны хүүхэд ч бас улам нэмэгдэж байгаагийн дээр цэцэрлэгүүд бүх хүүхдийг хүлээн авч дийлэхгүй байгаа бөгөөд тус дүүрэгт сургуулийн өмнөх насны хүүхэд 1820 байгаагийн зөвхөн12,4% нь цэцэрлэгт явдаг байна.
Дээр бичсэнчлэн цэцэрлэг хүрэлцэхгүй байгаа учир 90 хүүхдийн хүчин чадалтай тус цэцэрлэгт одоо 5 ангид 160 хүүхэд явж байна. Уг төсөл нь 75 хүүхдийн цэцэрлэгийн барилгын өргөтгөл барьж хүүхэд хүлээн авах хүчин чадлыг сайжруулж, цэцэрлэг хүрэлцэхгүй явдлыг арилгахад бага ч гэсэн хувь нэмэр оруулах явдлыг зорилгоо болгосон юм.
Өргөтгөлийн барилгын нээлтийн ажиллагаанд маш олон хүүхэд, эцэг эхчүүд оролцлоо. Цэцэрлэгийн эрхлэгч “Тус өргөтгөлийн барилга ашиглалтад орсноор цаашид ойролцоогоор 100-гаад хүүхэд шинээр цэцэрлэгт явах боломжтой болох юм. Хүүхдүүд сургуулийн өмнөх боловсрол эзэмшээд зогсохгүй хүүхдүүдийн эцэг эх ч сэтгэл тайван ажиллах боломж бүрдэх юм.” гэж ярьж байлаа.
Энэ өдөр анх удаа цэцэрлэгт ирж байгаа хүүхдүүд нэлээд их байлаа. Цэцэрлэгт явахыг хүсч байгаа хүүхдийн тоо нэгээр ч болтугай нэмэгдэж, тэр хүслийг биелүүлэх орчин нөхцөл бүрдээсэй гэж хүсч байна.
/Төслийн танилцуулга/
2005 он “Улаанбаатар хотын Баянзүрх дүүргийн 3-р цэцэрлэгийн өргөтгөлийн барилга барих төсөл”
Төслийн нийт өртөг: 93, 000 америк доллар
Төслийн агуулга: Цэцэрлэгийн өргөтгөлийн барилга барих ( 5 анги, 2 оффисийн өрөө, 1 гал тогооны өрөө, бусад)
Цэцэрлэгийн тухайд: 90 хүүхдийн хүчин чадалтай цэцэрлэгт 5 ангид 160 хүүхэд явдаг.
(Т)