Нүүр хуудас＞Эдийн засгийн хамтын ажиллагаатай холбогдсон мэдээлэл＞“Өвсний үндэс“ буцалтгүй тусламжийн хөтөлбөр
“Дархан-Уул аймгийн Дархан сумын 4 дүгээр цэцэрлэгийн барилгын засварын төсөл”-ийн ашиглалтад хүлээлгэн өгөх ёслолын ажиллагаа

“Өвсний үндэс“ буцалтгүй тусламжийн хөтөлбөр
“Дархан-Уул аймгийн Дархан сумын 4 дүгээр цэцэрлэгийн барилгын засварын төсөл”-ийн ашиглалтад хүлээлгэн өгөх ёслолын ажиллагаа


Шинэчлэгдсэн гал тогооны тоног төхөөрөмж
Гал тогооны тоног төхөөрөмжийг ашиглан бэлтгэсэн хоол унд
Ангидаа тоглож буй хүүхдүүд
　　　12 дугаар сарын 25-ны өдөр, 2006 оны Япон Улсын Засгийн газрын буцалтгүй тусламжийн “Өвсний үндэс“ хөтөлбөрөөр хэрэгжсэн төсөл болох “Дархан-Уул аймгийн Дархан сумын 4 дүгээр цэцэрлэгийн барилгын засварын төсөл”-ийн ашиглалтад хүлээлгэн өгөх ёслолын ажиллагаа Дархан сумын 4 дүгээр цэцэрлэгт зохион байгуулагдсан бөгөөд уг ёслолын ажиллагаанд тус ЭСЯ-ны ажилтан оролцлоо. Уг цэцэрлэг нь 1967 онд байгуулагдсанаасаа хойш, их засвар хийгдээгүй бөгөөд барилга нь хуучирч элэгдэж, дусаал ихээр гоожиж нэвтрэх болжээ. Мөн, цэвэр болон бохир усны систем, гал тогооны тоног төхөөрөмжүүд нь ч хуучирч элэгдэн, эрүүл ахуйн шаардлага хангахгүй болсон байлаа.

　　　Уг төслөөр цэвэр болон бохир системийг засварласнаар ариун цэврийн өрөө нь шаардлага хангахуйц болж, эрүүл ахуйн байдал ихээхэн сайжирсан. Мөн, ашиглалтад хүлээлгэн өгөх ёслолын ажиллагаанд хүрэлцэн ирсэн эцэг эхчүүд болон Дархан-Уул аймгийн захиргааны ажилтнууд зэрэг зочдыг энэ удаагийн тусламжаар шинэчлэгдсэн гал тогооны тоног төхөөрөмжийг ашиглан бэлтгэсэн хоол ундаар дайлсан нь олны талархалыг хүлээсэн юм. Цаашид хүүхдүүдийг тэжээллэг хоол ундаар хангах явдалд түлхүү анхаарах болно хэмээн тус цэцэрлэгийн захирал Оюунчимэг ярьж байсан.

　　　Япон Улс Монгол Улсад үзүүлэх тусламжийн хөтөлбөртөө “Зах зээлийн эдийн засгийн тогтолцоог бүрдүүлэх, боловсон хүчин бэлтгэхэд үзүүлэх тусламж”-ийг 4 үндсэн чиглэлийнхээ нэг болгон тодорхойлж, цаашид ч боловсорлын салбарт үзүүлэх тусламжийг идэвхтэй хэрэгжүүлэх болно. (T)