Нүүр хуудас＞Эдийн засгийн хамтын ажиллагаатай холбогдсон мэдээлэл＞"Өвсний үндэс" буюу Хүний аюлгүй байдлыг хамгаалахад чиглэсэн буцалтгүй тусламж Сэлэнгэ аймгийн Баруунбүрэн сумын сургуулийн дотуур байрыг ашиглалтад хүлээлгэн өгөх ёслолын үйл ажиллагаа

"Өвсний үндэс" буюу Хүний аюлгүй байдлыг хамгаалахад чиглэсэн буцалтгүй тусламж Сэлэнгэ аймгийн Баруунбүрэн сумын сургуулийн дотуур байрыг ашиглалтад хүлээлгэн өгөх ёслолын үйл ажиллагаа


Дотуур байрны гаднах байдал
Тасаг доторxи байдал
Хуран цугласан хүүхэд багачууд
　　　11-р сарын 9-ний өдөр 2006 оны санхүүгийн жилийн “Сэлэнгэ аймгийн Баруунбүрэн сумын сургуульд дотуур байр барих төсөл” хэрэгжиж дуусан, дотуур байрыг ашиглалтад хүлээлгэн өгөх ёслолын ажиллагаа зохион байгуулагдаж, тус Элчин сайдын яамны 2 дугаар нарийн бичгийн дарга Т.Ниими оролцсон. Уг сургууль өнөөг хүртэл зориулалтын дотуур байргүй байсан бөгөөд түрээсийн байрны нэг хэсгийг дотуур байр болгон ашиглаж байсан юм. Харин, энэхүү төслөөр шинэ дотуур байрыг барьж ашиглалтад оруулснаар сурагчидын амьдран суух таатай орчин бүрэлдэхийн хамт өнөөг хүртэл дотуур байранд хамрагдаж чадаагуйн улмаас сургууль завсардсан 20 хүүхэд шинээр сургуульд хамрагдах боломжтой болжээ.

　　　Уг ёслолын ажиллагаанд оролцсон малчин эцэг эхчүүдийн төлөөлөгчийн зүгээс, Дотуур байртай болсноор хүүхдүүддээ санаа зовох зүйлгүй хичээл сургуульд нь явуулах боломжтой болсонд ихэд баяртай байгаа тухайгаа өгүүлж байлаа. Жилийн турш бэлчээр хайн нүүдэллэдэг малчдын хүүхдүүд дотуур байранд хамрагдан сургуульд явах шаардлагатай байдаг бөгөөд дотуур байр нь сургуульд хамрагдагсдын тоо хэмжээг дээшлүүлэхэд зайлшгүй шаардлагатай зүйл билээ.

　　　Монгол орны ирээдүйг цогцлох хүүхэд багачуудын боловсорл нь улс орноо хөгжүүлэхэд үндэс суурь болох юм. Япон Улс Монгол орны ирээдүйг цогцлох боловсон хүчнийг бэлтгэх явдлыг Монгол Улсад үзүүлэх тусламжийн хөтөлбөрийнхөө нэг тулгуур багана хэмээн тодорхойлсон бөгөөд энэхүү байр сууринд тулгуурлан цаашид ч хүүхэд багачуудын сурч боловсрох орчин нөхцлийг сайжруулах үйлсэд идэвхтэй дэмжлэг туслалцаа үзүүлэх болно.