Нүүр хуудас＞Эдийн засгийн хамтын ажиллагаатай холбогдсон мэдээлэл＞“Өвсний үндэс-дахин ашиглах” хөтөлбөрийн хэрэгжилт:
Хичээлийн ширээ сандлын тээврийн төсөл


“Өвсний үндэс-дахин ашиглах” хөтөлбөрийн хэрэгжилт:
Хичээлийн ширээ сандлын тээврийн төсөл


2005 оны 7-р сард “Өвсний үндэс-дахин ашиглах” хөтөлбөрийн хүрээнд Япон улсын Сайтама мужийн Мацүбүши хотын захиргаанаас хандивласан 1070 ширээ, 1090 сандлыг тээвэрлэн хот хөдөөгийн сургуулиудад тараах ажил хийгдсэн билээ. Хүлээн авагчийн нэг болох Сонгинохайрхан дүүргийн 65-р сургуулийн төслийн хэрэгжилтийн байдлын тухай мэдээлье.

Сонгинохайрхан дүүргийн 65-р сургуулийн
төслийн хэрэгжилт

Тус төслийн хүрээнд Сонгинохайрхан дүүргийн 65-р сургууль хамрагдаж, 100 ширээ сандал авсан нь 2 ээлжийн 200 гаруй хүүхэд таатай нөхцөлд хичээл хийх боломжийг олгосон юм.
Тус сургууль нь нийт 3219 сурагчтай, үүнээс 3119 нь Толгойтын 3, 4-р хорооны хүүхдүүд байна. Төсөл хэрэгжихээс өмнө нэг ширээнд 3-4 хүүхэд сууж байсан нь сургалт явуулахад хүндрэл учруулдаг байсан ба энэ удаагийн төсөл хэрэгжсэнээр бага ангийн сурагчид биеийн өндөртөө тохирсон ширээнд суудаг боллоо.

3б ангийн сурагч Цэрэннадмидын сэтгэгдлээс: Урьд нь би намхан ширээнд суудаг байсан. Одоо таарсан ширээтэй болохоор самбар дээр багшийн бичсэн зүйлийг тод хардаг болсон. Хичээл хийхэд ч хажуу дахь хүүхэдтэйгээ шахцалдахгүй байгаа. (т)