БОГИНО ХУГАЦААНЫ ОЛОН УДААГИЙН ВИЗ
ҮНДСЭН ШАЛГУУР
Үндэсний энгийн паспорт эзэмшигч Монгол улсын иргэн бөгөөд дараах 3 үндсэн шалгуурын аль нэгийг хангаж буй хүн богино хугацааны олон удаагийн виз мэдүүлэх боломжтой. Үүнд:
-
① Өнгөрсөн 3 жилийн хугацаанд богино хугацааны ангиллын визээр Япон улсад зорчиж байсан, Япон улсын хилээр нэвтрэх болон зорчих хугацаандаа тус улсын хууль дүрмийг зөрчиж байгаагүй бөгөөд зорчих зардлаа хариуцах санхүүгийн боломжтой байх
-
② Тодорхой ажил эрхэлдэг, санхүүгийн хувьд бие даасан байх
-
③ Дээрх ②-т заасан болзлыг хангасан виз мэдүүлэгчийн гэр бүл болон хүүхэд
-
※Олон удаагийн визийг дараах хугацаагаар олгоно:
Зорчих хугацаа: 15 хоног /15-аас дээш хоногоор зорчих тохиолдолд олон удаагийн визийн нөхцөлд хамаарахгүй/
Хүчинтэй хугацаа: 1 болон 3 жил
ҮНДСЭН МАТЕРИАЛ
1. Гадаад паспорт
/Хоёроос доошгүй хоосон хуудастай байна./
2. Мэдүүлгийн хуудас
/Эндээс татаж бөглөнө үү. Ар өвөргүй хэвлэнэ үү./
3. Цээж зураг
/4.5х4.5 см хэмжээтэй 1 хувь. Сүүлийн 6 сарын дотор авахуулсан байна./
4. Асуулгын хуудас
/Эндээс татаж бөглөнө үү. Ар өвөргүй хэвлэнэ үү./
ВИЗ МЭДҮҮЛЭГЧИЙН ТАЛААРХ БИЧИГ БАРИМТ БОЛОН БУСАД МАТЕРИАЛ
1. Виз мэдүүлэгчийн эрхэлж буй ажил, албан тушаал зэргийг нотлох бичиг баримт /Дараах бичиг баримтын аль нэг/
- 1.1
Виз мэдүүлэгчийн ажлын газрын тодорхойлолт
-- Тодорхойлолтыг албан байгууллагын нэр, хаяг, утасны дугаар бүхий албан бланкан дээр гаргана.
-- Тодорхойлолтод виз мэдүүлэгчийн овог нэр, төрсөн огноо, албан байгууллагын нэр, албан тушаал, ажилд орсон огноо, сарын цалин зэргийг тодорхой тусгасан байна.
1.2 Виз мэдүүлэгч нь хувиараа бараа бүтээгдэхүүний борлуулалт, худалдаа арилжаа, экспорт/импортын үйл ажиллагаа эрхэлдэг бол түүнийг нотлох тухайн үйл ажиллагааг эрхлэх зөвшөөрөл, экспорт/импортын зөвшөөрлийн бичиг, худалдан авалтын падаан зэрэг нотлох материал гэх мэт
2. Виз мэдүүлэгчийн нэр дээрхи банкны дансны эцсийн үлдэгдлийн тодорхойлолт
3. Виз мэдүүлэгчийн нэр дээрхи банкны дансны хуулга /сүүлийн 3 сараар/
-- Банкны тодорхойлолт ба хуулгыг зөвхөн тухайн банкнаас гаргуулж авна уу.
-- Виз мэдүүлэгч нь хоёр ба түүнээс дээш банкны тодорхойлолт, хуулга болон орлогоо тодорхойлох бусад бичиг баримтыг мэдүүлж болно.
4. Үндсэн шалгуурын ① болон ③-ыг хангаж буйг нотлох материал
-- Үндсэн шалгуурын ① нөхцөлийг хангаж буй тохиолдолд, өнгөрсөн 3 жилийн хугацаанд Япон улсад зорчиж байсныг нотлох баримт /Одоогийн болон өмнөх паспортууд/
-- Үндсэн шалгуурын ③ нөхцөлийг хангаж буй тохиолдолд, ② нөхцөлийг хангасан виз мэдүүлэгчтэй гэр бүлийн холбоотой болохыг нотлох бичиг баримт /Гэрлэлтийн гэрчилгээ, төрсний гэрчилгээний эх хувийг хуулбарын хамт/
-- Үндсэн шалгуурын ② нөхцөлийг хангаж буй гэр бүлийн хүнээсээ тусдаа мэдүүлэх тохиолдолд гэр бүлийнхээ хүний 1-3-т заасан бичиг баримт болон паспортын хуулбар
5. Аяллын хөтөлбөр
Загварыг эндээс татаж аваад байрлах газар /зочид буудлын нэр/, хаяг, утасны дугаар зэргийг тодорхой бичнэ үү.
6. Визийн хариуг шалгаж шийдвэрлэхэд хэрэг болохуйц бусад бичиг баримтыг мэдүүлж болно. /Үүнд: Зорчих зардлыг хариуцах компанийн татвар төлөлтийн тодорхойлолт, нийгмийн даатгалын дэвтэр гэх мэт/
Анхаарах зүйлс :
-- Бүрдүүлсэн бичиг баримт дутуу тохиолдолд хүлээж авахгүй тул зорчих өдөр болон виз олгогдох хугацааг сайтар нягтлан тооцсоны үндсэн дээр мэдүүлнэ үү.
--Татгалзсан хариу гарсан тохиолдолд тийз буцаах зардлыг тус ЭСЯ хариуцахгүй тул хариу гарахаас өмнө тийз худалдаж авахгүй байхыг зөвлөж байна.
-- Тухайн нөхцөл байдлаас шалтгаалан нэг удаагийн виз олгох тохиолдол байж болохыг анхаарна уу.
-- Бүрдүүлсэн материалыг буцаахгүй тул бичиг баримтын эх хувийг хуулбарын хамт авч ирнэ үү.
-- Шаардлагатай гэж үзвэл, дээр дурдсанаас бусад бичиг баримтыг гаргуулж болзошгүйг анхаарна уу.