Нүүр хуудас>Виз >ХЗЯ-ны ХШНА-наас олгох “Дахин нэвтрэх зөвшөөрөл /再入国許可/-ийн хугацааг тус ЭСЯ-нд сунгуулах

ХЗЯ-ны ХШНА-НААС ОЛГОХ
“ДАХИН НЭВТРЭХ ЗӨВШӨӨРӨЛ”-ИЙН ХУГАЦААГ ТУС ЭСЯ-НД СУНГУУЛАХ

“Дахин нэвтрүүлэх зөвшөөрөл /再入国許可, ДНЗ/”-ийг сунгуулахад анхаарах зүйлс

1. Хүчинтэй хугацаа дуусахаас өмнө сунгуулна.

2. Мэдүүлгийн хуудсыг англи хэл, аль эсвэл япон хэлээр бөглөнө.

3. ДНЗ нь тухайн мэдүүлэгчийн ОСЗ-ийн хүчинтэй хугацааны хүрээнд нэг жилээс дотогш, мөн ганц удаад сунгаж болно.

4. Сунгуулах гэж байгаа ДНЗ-ийг ангилал нь “олон удаа” нэвтрэх зөвшөөрөлтэй байсан бол, сунгалт хийснээр “нэг удаа” нэвтрэх хүчинтэй зөвшөөрөл болох юм.

5. “Дахин нэвтрүүлэх тусгай зөвшөөрөл /みなし再入国許可/” буюу нэг жилийн дотор Японд буцаж ирэх гэсэн нөхцөлөөр ХШНА-наас ДНЗ-ийг авахгүйгээр зөвхөн гарах хуудасны ар талд тамга даруулан гарж ирсэн тохиолдолд, түүнийг сунгахгүй.

Бүрдүүлэх бичиг баримт

1. ДНЗ бүхий паспорт

2. Мэдүүлгийн хуудас 1 хувь /Тус ЭСЯ-ны Консулын албанаас авна уу./

3. Гадаадын иргэний оршин суугчийн үнэмлэх /在留カード（旧外国人登録証）/ /эх хувь ба хуулбар/

4. ДНЗ-ийн хүчинтэй хугацаанд Япон руу буцаж амжихгүй болсон шалтгааныг тодорхойлох бичиг баримт

-- Өвчин, гэмтлээс шалтгаалсан бол эмчийн тодорхойлолт

-- Онгоц саатсан бол агаарын тээврийн компанийн гаргасан нислэг саатсан тухай тодорхойлолт

-- Бусад шалтгаантай бол мэдүүлэгчийн өргөдөл /загвар чөлөөтэй/