ЯПОН УЛСЫН ЭЛЧИН САЙДЫН ЯАМ

日本国国旗

在モンゴル日本国大使館

Дархан-Уул аймагт хэрэгжүүлэх “Япон улсын буцалтгүй тусламжийн Өвсний үндэс-Хүний аюулгүй байдлыг хангах хөтөлбөр”

  9 дүгээр сарын 26-ны өдөр, Дархан-Уул аймгийн Дархан сумын Мэргэжлийн сургалт үйлдвэрлэлийн төвийн засварын ажлын төслийн гэрээнд Япон улсын Элчин сайд М.Такаока болон Аймгийн Засаг дарга С.Насанбат нар гарын үсэг зурлаа.
 
  Тус төв нь, Дархан-Уул аймгаас гадна Улаанбаатар хот болон бусад таван аймгийн 557 суралцагсдад мэргэжлийн сургалт явуулдаг боловсролын байгууллага юм. Энэ удаа Япон улсын тусламжаар өвлийн хахир хүйтний улирал эхлэхээс өмнө дулааны шугамыг засаж сайжруулах юм.
 
  Мөн түүнчлэн, Элчин сайд М.Такаока Аймгийн Засаг дарга С.Насанбатын хамтаар тус аймгийн Шарын гол суманд зочилж “Өвсний үндэс-Хүний аюулгүй байдлыг хангах Япон улсын буцалтгүй тусламжийн хөтөлбөрийн хүрээнд хэрэгжүүлсэн 14-р цэцэрлэг, 2-р сургуультай танилцав. Япон улсын буцалтгүй тусламжаар цэцэрлэгийн хүүхдүүд болон сургуулийн сурагчдын сурч боловсрох таатай орчин бүрэлдсэн хэмээн ард иргэд нийтээс талархлаа илэрхийлж байв.   
 
                                                           
                                                                    Мэргэжлийн сургалт үйлдвэрлэлийн төвийн урд холбогдох
                                                                          албаны хүмүүсийн хамт авахуулсан дурсгалын зураг
                                                                     (Зүүн гар талын 2 дахь нь Төвийн захирал Б.Нарантуяа,
                                                                          Элчин сайд Такаока Масато, Засаг дарга С.Насанбат)

                                                             
                                                                  Элчин сайд Масато Такаока болон Засаг дарга С.Насанбат нар
                                                                                         төслийн гэрээг солилцож буй нь
 
                                                 
                                                                              Төвийн хичээлийн байдалтай танилцаж буй нь
 
                                                          
                                                         Энэ удаагийн төслийн хүрээнд тус төвийн халаалтын систем сайжрах юм.

                                                          
                                                                 Шарын гол сум монгол ардын бүжиг сонирхуулж хүлээн авлаа.

                                                          
                                                         Өвсний үндэс буцалтгүй тусламжийн хүрээнд засварласан 14-р цэцэрлэг
 
                                                           
                                                                                     Ерөнхий боловсролын  2-р сургууль